ხატია კალმახელიძე - ინტერიერის დიზაინის კურსზე
კურსის შესახებ სრული ინფორმაციისთვის გვეწვიე
- მოგვიყევი შენ შესახებ? Რატომ გადაწყვიტე პროფესიის შეცვლა ან/და კვალიფიკაციის ამაღლება?
მე ვარ ხატია კალმახელიძე. ვსწავლობ არქიტექტურულზე და ვარ დამამთავრებელი კურსის სტუდენტი.
უნივერსიტეტში საგნის სახით გავიარე ინტერიერი, რამაც დამაინტერესა და გადამაწყვეტინა უფრო სიღრმისეულად შემესწავლა ეს სფერო. თავისუფალ დროს ყოველთვის ვაკეთებდი ჩანახატებსა და სხვადასხვა დიზაინის პროექტს, ამიტომ შეიძლება ითქვას, რომ ინტერიერის დიზაინი ჩემი ჰობი გახდა.
- Რატომ გადაწყვიტე Smart Fish აკადემიაში ინტერიერის დიზაინის კურსის გავლა?
ჩემი ინტერესებიდან გამომდინარე სიამოვნებით ვიმუშავებდი ამ სფეროში, ამიტომ ცოდნისა და უნარების გაუმჯობესებისთვის გადავწყვიტე აკადმიაში კურსის გავლა.
- Რა არის შენი შემოქმედებითი აზროვნების მთავარი წყარო?
ნებისმიერი რამ შეიძლება იყოს ინსპირაცია, ვცდილობ ჩემი იდეები, კრეატიულ ნახატებად და ციფრულ დიზაინებად ვაქციო. ვთვლი რომ მუდმივად განვითარებადი სფეროა.
"ჩემი მოგზაურობა ამ სფეროში საკუთარი თავის გამოხატვისა და განვითარების საუკეთესო საშუალებაა"
- რა მოგცა გავლილმა კურსებმა და რატომ ურჩევდი სხვას დიზაინის კურსების გავლას?
გავლილმა კურსმა პირველ რიგში დამანახა ჩემი ამჟამინდელი შესაძლებლობები. ასევე, შევისწავლე სხვადასხვა მიდგომები, სტილი და ნორმები. გარდა ამისა ავითვისე პროგრამები.
"სხვასაც სწორედ ამიტომ ვურჩევდი კურსის გავლას, რომ გაიგონ რომელ საფეხურზე არიან, გაიგონ მათი დადებითი და სუსტი მხარეები და შემდგომში გამოასწორონ და გააუმჯობესონ. "
- მოგვიყევი ფინალურ პროექტზე და სამუშაო პროცესზე?
მთელი პროცესის განმავლობაში ვიღებდი დადებით ემოციებს. რაღაც ბარიერების მიუხედავად არ ვთვლი, რომ რთული იყო პირიქით საინტერესო და სასიამოვნო პროცესია.
რაც შეეხება საბოლოო პროექტს, როდესაც უყურებ შენს ნამუშევარს, მთლიანად ასახავს შენს შრომასა და დახარჯული რესურსებს, რაც ასევე ძალიან სასიამოვნო და საამაყოა შენთვის.
- რა არის ამ კურსის ძლიერი მხარე / რა მნიშვნელოვანი უნარი შეგძინა კურსმა?
პირველ რიგში აღვნიშნავ ლექტორის პოზიტიურ მიდგომას ყოველ ლექციაზე. კურსის ძლიერი მხარეა თეორიული მასალის სწავლებაც, ვთვლი რომ პროგრამის შესწავლა ინდივიდუალურად და სხვადასხვა საშუალებით არის შესაძლებელი, თუმცა თეორიული ცოდნა ძალიან მნიშვნელოვანია, რომელსაც კურსი გვთავაზობს.
"კურსმა გარდა იმისა, რომ ინტერიერის დიზაინის თეორიული ცოდნა მომცა, ასევე შემასწავლა პროგრამებიც ბევრად მარტივად და გასაგებად."
